भारतको जम्मु–कश्मिरमा बस दुर्घटना हुँदा ३९ जनाकाे मृत्युु

गामघर डेस्क

भारत । भारतको जम्मु–कश्मिरमा हिजो भएको बस दुर्घटनामा ज्यान गुमाउनेको संख्या ३९ जना पुगेको छ । दुर्घटनामा १६ जना घाइते भएका छन् । डोडा भन्ने ठाउँमा घुम्तीमा बस नमोडिँदा सडकबाट चिप्लिएर झण्डै तीन सय फिट तल खसेको हो ।

यता साे दुर्घटनाबारे थप अनुसन्धान भैरहेको प्रहरीलाई उद्धृत गरी भारतीय सञ्चार माध्यमले जनाएका छन् । यसैबीच प्रधानमन्त्री नरेन्द्र मोदी र गृहमन्त्री अमित शाहले दुर्घटनाप्रति दुःख व्यक्त गरी प्रधानमन्त्री राहत कोषबाट मृतकका परिवारलाई २ लाख रुपैयाँ र घाइतेलाई ५० हजार रुपैयाँ सहयोग गर्ने घोषणा गर्नुभएको छ ।

प्रकाशित मिति: २०२३-११-१६ , समय : २०:००:३१ , १ वर्ष अगाडि