इन्सेकद्वारा शम्भुनाथमा जनचेतनामूलक सडक नाटक प्रदर्शन

गामघर डेस्क

राजविराज । सप्तरीको शम्भुनाथ नगरपलिका वडा न.–३ मुसहरनिया टोलमा जनचेतनामूलक सडक नाटक प्रदर्शन गरेका छन् ।
अनौपचारिक क्षेत्र सेवा केन्द्र (इन्सेक)द्वारा राम दयाल माध्यमिक विद्यालय कचनदाहामा गठित बाल अधिकार सचेतना समूहका बालबालिकाहरूका लागि साे जनचेतनामूलक सडक नाटक प्रदर्शन गरेका हुन ।
बाल अधिकार सचेतना समूहले शिक्षा र बाल अधिकार क्षेत्रमा देखिएका असमानता तथा विभेद र बाल बिवाह, महिला हिंसा तथा महिलाविरुद्ध हुने सबै किसिमका भेदभाव विरुद्ध जनचेतनामूलक सडक नाटक प्रदर्शन गरेकाे छ । साथै ती असमान व्यवहार तथा विभेदले मानव जीवनमा पर्ने असरलाई समेत बालबालिकाहरूले नाटकको माध्यमद्वारा त्यहाँ उपस्थित स्थानीय दर्शक तथा समुदाय समक्ष प्रस्तुत गर्दै बौद्धिक वर्ग, समाजसेवी, शिक्षक तथा सरोकारवाला निकायहरूलाई ध्यानाकर्षण गराएका थिए ।

उक्त कार्यक्रममा मानव अधिकार समुह को सदस्य देबि माया भटराइ,संरक्षक शिक्षक अशोक कुमार साह, मा. बि. शिक्षक कालि प्रसाद चौधरी, समुदायका अगवा तथा सप्तरी जिल्ला सहजकर्ता अजय परियार लगायतको उपस्थिति रहेको थियोे ।

उत्त टोलको कार्यक्रममा सहभागी चन्देश्वरी सदाले यस्तै कार्यक्रमबाट हाम्रो दलित समुदायमा सकारात्मक सोचको बिकास हुने आउने दिनमा पनि यस्तै कार्यक्रमको अपेक्षा गरेको छू भन्दै यस्तो कार्यक्रममा सम्बंधित बस्ती टोलको पनि सहभागी भए झन फल दाय हुने सुझाव दिनुको साथै प्रस्तुत सडक नाटकको प्रशंसा र सहभागी बालबालिका तथा समूहलाई धन्यवाद समेत दिनुभयो ।

सडक नाटक प्रदर्शनमा बाल अधिकार सचेतना समुहका अध्यक्ष जय प्रकाश दास, लक्ष्मी मण्डल, सुर्य पाल,प्रिंयका गुप्ता, रोशन, पाल,नितेश पासवान,चांदनी सरदार, दिपिका चौधुरी,गरिमा चौधरी,प्रदीप मंडल, सपना साह,किरण शर्मा, लक्ष्मी सदा लगायतको सहभागीता रहेको थियो ।

प्रकाशित मिति: २०२३-११-११ , समय : २१:२४:१९ , 1 year अगाडि