सप्तरीको बाेदे बर्साइनका स्वास्थ्य सह संयाेजक साह लागुअैाषध सहित पक्राउ

गामघर डेस्क

राजविराज । सप्तरीकाे बोदे बर्साईन नगरपालिका स्वास्थ्य शाखाका सह संयोजक बैजनाथ साहलाई प्रहरीले अबैध लागुअैाषध सहित पक्राउ गरेकाे छ ।

उक्त नगरपालिकाका स्वास्थ्य संयाेजक राजनारायण ठाकुरकाे माेटरसाइकलमा सह-संयाेजक साहले लागुअैाषध राखेर फसाउने षडयन्त्र गरेकाे आराेपमा पक्राउ गरिएकाे जिल्ला प्रहरी सप्तरीका प्रपक्ता डिएसपी ढुण्डिराज न्याैपानेले बताउनुभयो ।

वाेदे वर्साइन नगरपालिका वडा न. ५ का सह-संयाेजक साहले ठाकुरकाे लु५५प ५४३९ नम्बरको माेटरसाइकलमा नाइट्राभेट २७ ट्याब्लेट र स्पासमो १५ ट्याब्लेट लागुअैाषध राखेकाे प्रहरीकाे प्रारम्भिक अनुसन्धानबाट खुलेकाे न्याैपानेले बताउनुभयो । साेही आराेपमा बोदे बर्साईन नगरपालिका ५ जाँजरका मो. नजामुद्विन इराकीलाई समेत नियन्त्रणमा लिएर अनुसन्धान भइरहेकाे डिएसपी न्याैपानेले जानकारी दिनुभयो ।

प्रकाशित मिति: २०२३-११-०७ , समय : ०८:१५:०१ , १ वर्ष अगाडि