सप्तरीको प्रसिद्ध शक्तिपीठ छिन्नमस्ता मन्दिरमा दैनिक महागंगा आरती

गामघर डेस्क

छिन्नमस्ता । सप्तरीको प्रसिद्ध शक्तिपीठ छिन्नमस्ता भगवती मन्दिरमा शुक्रबार साँझबाट महागंगा आरती सुरु भएको छ ।

मन्दिर अगाडि रहेको पोखरीमा महागंगा आरती सुरु गरिएको हो । दैनिक साँझ ७ बजे महागंगा आरती गर्ने तयारी गरिएको पिठाधिस महाकान्त ठाकुरले जानकारी दिनुभयो । आरती कार्यका लागि पाँच जनालाई भारतको वनारसबाट प्रशिक्षित गराएर ल्याइएको छ ।
महागंगा आरतीको सुरुआतले छिन्नमस्ता मन्दिरमा थप संख्यामा नेपाली र भारतीय भक्तजनहरू आउने विश्वास गरिएको छ ।

साेहि अवसरमा आरतीको पहिलो दिन शुक्रबार साँझ जिल्लाका राजनैतिक नेतृत्व, स्थानीय सरकार प्रमुखहरु, प्रशासनिक प्रमुखहरुसँगै संचारकर्मीहरु र स्थानीय बासिन्दाको उल्लेख्य उपस्थिति थियो ।

प्रकाशित मिति: २०२३-०९-३० , समय : ०६:३१:०९ , १ वर्ष अगाडि