मधेश प्रदेश : मोटरसाइकलको ठक्करबाट एकजनाको मृत्यु

गामघर डेस्क

जनकपुर ।
मधेस प्रदेशको सर्लाहीमा मोटरसाइकलको ठक्करबाट एकजनाको मृत्युु भएको छ ।

जिल्लाको विष्णु गाउँपालिका ६ स्थित भित्री सडकमा बीआर ३० एडी ९८७२ नम्बरको भारतीय मोटरसाइकलले ठक्कर दिँदा स्थानीय ३५ वर्षीया सुनिता देवीको मृत्यु भएको प्रहरीले जनाएका छन् ।

मोटरसाइकलको ठक्करबाट घाइते भएकी सुनितालाई उपचारका लागि प्रादेशिक अस्पताल मलंगवामा पुऱ्याएपछि उपचारको क्रममा मृत्यु भएको जिल्ला प्रहरी कार्यालयले जनाएको छ ।

यता ठक्कर दिने मोटरसाइकलसहित चालक सोही ठाउँका १८ वर्षीय आकाश मण्डल प्रहरीको नियन्त्रणमा रहेका छन् ।

प्रकाशित मिति: २०२३-०९-२६ , समय : १४:०६:३७ , १ वर्ष अगाडि