सप्तरीमा अबैध लागूऔषध सहित दुई जना पक्राउ

गामघर डेस्क

राजविराज ।
सप्तरीको वलान बिहुल गाउँपालिकामा चामलको बोराभित्र अबैध लागूऔषध सहित दुई जनालाई पक्राउ प्रहरीले गरेको छ ।
भारतीय सीमा क्षेत्र हुँदै पूर्व पश्चिम राजमार्गतर्फ आइरहेको स. १ ह ३६८६ नम्बरको अटोलाई बलान बिहुल गाउँपालिका –१ मा रोकेर चेकजाँच गर्दा दुई वटा बोरामा रहेको चामलको बीचमा तीनवटा प्लास्टिकको झोलामा राखिएको अवस्थामा लागूऔषध भेटिएको सप्तरी प्रहरीले जनाएको छ ।
सो बोरामा डाइजेपाम १ हजार १ सय ७५ एम्पुल, फेनारगन १ हजार १ सय ७५ एम्पुल र वुप्रेन १ हजार सय ७५ एम्पुल बरामद भएको प्रहरीको भनाई छ । यता लागूऔषध भित्र्याउने अटो चालक राजेन्द्र राम र अटोमा चामल बोरा राख्ने हरिहर यादवलाई पक्राउ गरिएको जिल्ला प्रहरी कार्यालय सप्तरीले जनाएको छ ।

प्रकाशित मिति: २०२३-०९-१६ , समय : २२:५०:३७ , १ वर्ष अगाडि