सप्तरीकाे राजविराजमा अतिक्रमित संरचना नगरपालिकाले भत्काइदै

गामघर डेस्क

राजविराज ।
सप्तरीको राजविराज नगरपालिका अन्र्तगत हुलाकी सडकमा पर्ने कंचनपुर रोडमा अतिक्रमण गरी बनाएको संरचना शनिवार डोजर लगाएर भत्काउन शुरु गरेको छ ।
राजविराज नगरपालिका वडा नं. ३ र ८ मा पर्ने कंचनपुर रोडस्थित हुलाकी राजमार्गको दायाँ बाँया ७.५÷७.५ मिटर जग्गा खाली गराउन शनिवार राजविराज नगरपालिकाले डोजर चलाएको हो ।
वडा कार्यालय ८,१,२ र ३ तथा राजविराज नगरपालिकाले ७ दिन अघि नै सूचना जारी गर्दै कंचनपुर रोडको दायाँ बायाँ भौतिक संरचना हटाउन समय सिमा शुक्रवार सकेपछि शनिवार डोजर लगाएर सडक बिस्तार गर्दै छ ।
नगरपालिकाले शनिवार बिहान देखि पुनह नापजाँच गरि डोजर लगाएर मूल सडकको दायाँ बायाँ ७.५/७.५ मिटरमा बनाइएको भौतिक संरचना हटाउने लागेको राजबिराज वडा ८ का वडाध्यक्ष तथा नगरका प्रवक्ता जयनारायण मण्डलले जानकारी दिनु भयो ।
राजबिराज नगरपालिका कार्यवाहक नगरप्रमुख इसरत परबिनले पूर्वसूचना अनुसार शनिवार बिहानैदेखी नापजाँच गरी संरचना भत्काउने काम सुरु गरेको बताइनँ ।
हुलाकी सडक निर्माण गर्नका लागि राजविराज नगरपालिकाको वडा ६७, ३ , ८,२ , १ र १० राजरंगशाला र कंचनपुर रोड भएर सिरहा रोड भएर हुलाकी राजमार्गको नक्सांकन भइसकेको नगरपालिकाले जनाएको छ ।

प्रकाशित मिति: २०२३-०८-१९ , समय : १४:२७:३८ , 2 years अगाडि