मधेस प्रदेश : खेत जोत्ने क्रममा ट्याक्टरले किचिएर चालकको मृत्यु

गामघर डेस्क

जनकपुरधाम ।
मधेस प्रदेशको महोत्तरीमा खेतजोत्ने क्रममा ट्याक्टरले किचिएर एक जनाको मृत्यु भएको छ । मृत्यु हुनेमा पिपरा गाउँपालिका ४ का ३५ वर्षीय कृष्णकुमार मिश्र छन् ।

ज.१ त ८१५३ नम्बरको ट्याक्टरले खेत जोतिरहेका बेला ट्याक्टर पल्टिदा उनको किचिएर मृत्यु भएको महोत्तरीका प्रहरी प्रवक्ता डिएसपी दिलीपकुमार गिरीले जानकारी दिए ।

स्थानीयले उद्धार गर्ने प्रयास गरेपनि घटनास्थलमै मृत्यु भएको प्रहरीले जनाएको छ । घटना विषयमा थप अनुसन्धान भइरहेको जिल्ला प्रहरी कार्यालय महोत्तरीले जनाएको छ ।

प्रकाशित मिति: २०२३-०८-१७ , समय : ०८:१२:०९ , १ वर्ष अगाडि