अनेम संघ क्रान्तिकारीको तिलाठी कोइलाडीमा गाउँ भेला सम्पन्न

गामघर डेस्क

राजविराज । नेपाल कम्युनिष्ट पार्टी माओवादी केन्द्र निकट अखिल नेपाल महिला संघ क्रान्तिकारी सप्तरीको तिलाठी कोइलाडी गाउँपालिकाको गाउँ भेला सम्पन्न भएको छ। सम्पूर्ण श्रमिक महिला एक हौँ भन्ने मुल नाराका साथ महिला संघ क्रान्तिकारीको भेला मङ्गलबार भव्य कार्यक्रम बिच तिलाठीको जिरिया हटियामा सम्पन्न भएको हो । माओवादी केन्द्रको तर्फबाट तिलाठी कोइलाडी बार्ड न ४ का निर्वाचित बडा अध्यक्ष मुनिलाल मुखियाको अध्यक्षतामा सम्पन्न कार्यक्रममा पार्टीको सप्तरी जिल्ला इन्चार्ज एवं केन्द्रीय सदस्य अशोक कुमार मण्डल अमर, केन्द्रीय सदस्य सूर्यनाथ यादव, केन्द्रीय सदस्य, महिला संघ क्रान्तिकारीको मधेस प्रदेश इन्चार्ज एवं पूर्व गृह तथा सञ्चार राज्य मन्त्री रूबी कुमारी कर्ण, संविधान सभा सदस्य सरस्वती चौधरी, पूर्व प्रदेश सभा सदस्य प्रमिला यादव, प्रेस सेन्टर नेपालका प्रदेश सचिव एवं प्रशिक्षण विभागका ध्रुव कुमार मण्डल, पूर्व बडा अध्यक्ष खगेन्द्र मण्डल, जगदीश मण्डल, संजय सिंह, गजेन्द्र साह लगायतले आफ्नो मन्तव्य राख्नु भएको छ। उमदा देवी रामको अध्यक्षतामा ४१ सदस्यिय महिला संघ क्रान्तिकारीको गाउँ कमिटी गठन भयो।

प्रकाशित मिति: २०२३-०८-१५ , समय : २०:०९:१६ , १ वर्ष अगाडि