सप्तरीमा पाेखरीमा डुबेर एक बालकको मृत्यु

गामघर डेस्क

राजविराज ।
सप्तरीमा पोखरीमा डुबेर एक बालकको मृत्यु भएको छ ।

सप्तरीको माहादेवा गाउँपालिका वडा न.५ दु्र्गापुर टोल बस्ने महादेव साहको ३ वर्षीय छोरा अनिश कुमार साहको डुबेर मृत्यु भएको जिल्ला प्रहरी कार्यालय सप्तरीले जनाएको छ ।

आफनै घर अगाडि रहेको सार्वजनिक पोखरिको छेउमा खेल्ने क्रममा पानीमा डुबेका बालकलाई उपचारको लागि छिन्नमस्ता अस्पताल राजबिराजमा लगेकोमा डाक्टरले मृत घोषणा गरेको जिल्ला प्रहरी कार्यालय सप्तरीका डिएसपि एव प्रवक्ता नरेशकुमार सिंहले जानकारी दिनुभयो ।

यता साे सम्बन्धमा थप अनुसन्धान भैरहेको सप्तरी प्रहरीले जनाएको छ ।

प्रकाशित मिति: २०२३-०७-२१ , समय : १६:३४:५४ , १ वर्ष अगाडि