एनसीसी कतार:धनुषाका अवधेश मण्डलले अध्यक्ष पदमा उम्मेदवारी दिने

गामघर डेस्क

दोहा । गैर आवासीय नेपाली संघ, राष्ट्रिय समन्वय परिषद् कतारको आसन्न महाधिवेशन मार्फत २०२३-२५ कार्यकालका लागी अवधेश कुमार मण्डलले अध्यक्ष पदमा आफ्नो उम्मेद्वारी दिने घोषणा गरेका छन।२०१९-२०२१ कार्यसमितिका सदस्य समेत रहेका मण्डलले आगामी कार्यकालको लागि अध्यक्ष पदमा उम्मेद्धवारी घोषणा गरेका हुन ।

धनुषाको कमला नगरपालिका -९ दुबरकोठमा जन्मी वैदेशिक रोजगारिको शिलसिलामा विगत ६ बर्ष कतारमा बिताएका मण्डलले बचेको समयमा सामाजिक क्षेत्रमा क्रियाशील रहँदै आएका छ्न । नेपाली समाज कतारका सचिव, धनुषा सेवा समाजका कोषाध्यक्ष,त्यस्तै कतारमा स्थापित विभिन्न संघ संस्थामा विशेष योगदान र समन्वयमा विशेष दख्खल राख्ने गर्दछ्न ।

एनसीसी कतारको २०२३–२०२५ कार्यकालका लागि अन्तिम पञ्जीकृत सदस्यहरुको सङ्ख्या ८ हजार ९५१ जना कायम भएको छ । गत २६ फेब्रुवरीदेखि १२ मे सम्म पहिलो चरणमा र २५ जुनदेखि २८ जुनसम्म दोस्रो चरणमा सदस्यता आह्वान गरिएको थियो।

प्रकाशित मिति: २०२३-०७-१९ , समय : १२:१८:१४ , १ वर्ष अगाडि