सप्तरीमा अवरुद्ध पूर्व-पश्चिम राजमार्ग खुलाउन प्रहरीद्वारा हवाई फायर

गामघर डेस्क

राजविराज ।
सप्तरीको हनुमाननगर कंकालिनी वडा न.–३ स्थित महुली पुलमा अवरुद्ध पूर्व–पश्चिम राजमार्ग खुलाउन प्रहरीले हवाई फायर गरेको छ।

सप्तरीकाे महुलीमा बिहानैदेखि अवरुद्घ सडक खुलाउन गएका प्रहरी र बन्दकर्ताबीच झडप भएको थियोे । राजमार्ग खुलाउन सामान्य बल प्रयोग गर्नुका साथै सटगनबाट एक राउन्ड हवाई फायर गरिएको जिल्ला प्रहरी कार्यालय सप्तरीका प्रहरी प्रमुख एसपि नरेन्द्रकुमार कार्कीले जानकारी दिनुभयो ।

हरेक वर्ष वर्षातमा महुली नदीको बाँध भत्किएर बस्तीमा पस्ने गरेको र यसवर्ष पनि समस्या दोहोरिने भन्दै स्थानी आन्दोलित बनेका छन्।

उनीहरुले स्थानीय सरकारलगायत सम्बन्धित निकाय बाँध नियन्त्रणमा चासो नदिएको भन्दै पूर्वपश्चिम राजमार्गअन्तर्गत पोर्ताहाको महुली पुलनजिकै बुधबार दिउँसो सडक अवरुद्ध गरेका थिए।

प्रकाशित मिति: २०२३-०७-०५ , समय : १७:४४:५३ , २ वर्ष अगाडि