सप्तरीमा श्रीमतीको हत्या आरोपमा श्रीमान पक्राउ
मिति: २०२३-०७-०५ , समय : १५:३०:५० , गामघर डेस्क
तस्बिर : सामाजिक सन्जालबाट
गामघर डेस्क
राजविराज ।
सप्तरीमा श्रीमतीको हत्या आरोपमा सप्तरीमा एक जना पक्राउ परेका छन्।
जिल्लाको सम्भुनाथ नगरपालिका वडा न.-५ मोहनपुरका ३२ वर्षीया किरणकुमारी चौधरीको हत्या भएको प्रहरीले जानकारी दिएको छ ।
मंगलबार दिउँसो उनी कोठामा बेहोस अवस्थामा भेटिएकी थिइन्।
उनलाई तत्काल उपचारका लागि कठौनास्थित कृष्ण अस्पताल पुर्याइएपनि उनलाई चिकित्सक मृत घोषणा गरेका थिए ।
अस्पतालमा किरणको मृत्यु भएपछि उनका श्रीमान् ईनरदेव चौधरी मंगलबार नै पक्राउ परेका थिए।
सामान्य सोधपुछका क्रममा उनले श्रीमतीमाथि कुटपिट गरेको थाहा पाएपछि उनलाई पक्राउ गरिएको जिल्ला प्रहरी कार्यालय सप्तरीले जनाएको छ।
यता साे घटनाबारे थप अनुसन्धान भइरहेको प्रहरीले जानकारी दिएको छ।
प्रकाशित मिति: २०२३-०७-०५ , समय : १५:३०:५० , २ वर्ष अगाडि
