टिपरको ठक्करबाट एक महिलाको मृत्यु, स्थानीय र प्रहरीबीच झडप

गामघर डेस्क

सुनसरी ।
काेशि प्रदेशको सुनसरी स्थित इटहरीको मुख्य चोकमा टिपरको ठक्करबाट एक महिलाको मृत्यु भएको छ। मंगलबार दिउँसो करिब ३ बजे ना १ क ९१०७ नम्बरको टिपरको ठक्करबाट स्कुटरमा सवार एक महिलाको मृत्यु भएको हो।

मृत महिलाको पहिचान नखुलेको इलाका प्रहरी कार्यालय इटहरीले जनाएको छ। ठक्करपश्चात् इटहरी चोकमा स्थानीयले नाराबाजी गरिरहेका छन्। आक्रोशित भिडलाई नियन्त्रण गर्न प्रहरीले निरन्तर अश्रुग्यास प्रहार गरिरहेको छ भने स्थानीयले ढुंगामुढा प्रहार गरिरहेका छन्।

यता स्थिति नियन्त्रणमा लिन प्रशासनले ठूलो संख्यामा प्रहरी परिचालन गरेकाे छ ।

प्रकाशित मिति: २०२३-०७-०४ , समय : १९:३९:२२ , २ वर्ष अगाडि