मधेश प्रदेशमा विद्यालयको गेटले थिचिएर एक विद्यार्थीको मृत्यु , एक घाइते

गामघर डेस्क

जनकपुर ।
विद्यालयको कम्पाउण्डवालमा हालिएको ढोकाले थिचिएर मधेस प्रदेशको सर्लाहीमा एक विद्यार्थीको मृत्यु भएको छ । यस्तै अर्का एकजना विद्यार्थी घाईते भएका छन् ।

हरिवन नगरपालिका ९ नयाँरोड स्थित ज्ञानज्योती बोर्डीङ स्कूलको कम्पाउण्ड वालको मूलगेट लडेर थिच्दा यू केजीमा अध्ययनरत्त आयुष वलको मृत्यु भएको प्रहरीले जनाएका छन् ।

ईलाका प्रहरी कार्यालय हरिवनका अनुसार गेटले थिच्दा सोही स्कूलको २ कक्षामा पढ्ने ७ वर्षीय आदित्य लो घाईते भएका छन् । उनको स्थानीय स्वास्थ्य केन्द्रमा उपचार भईरहेको छ ।

सोमबार बिहान सबा १० बजे विद्यालय भित्र छिर्ने बेलामा कम्पाउण्डवालको ढोका एक्कासी लड्दा दुई विद्यार्थी थिचिएका थिए ।

यता साे सम्बन्धमा थप अनुसन्धान भइरहेको प्रहरीले जनाएका छन् ।

प्रकाशित मिति: २०२३-०७-०३ , समय : १९:०४:२२ , २ वर्ष अगाडि