सप्तरीमा चट्याङ्ग लागेर खेतमा काम गरिरहेका साहकाे मृत्यु
मिति: २०२३-०७-०३ , समय : १४:२२:५० , गामघर डेस्क
तस्बिर : सामाजिक सन्जालबाट
गामघर डेस्क
राजविराज ।
सप्तरीमा चट्याङ्ग लागेर एकजनाको मृत्यु भएको छ ।
बर्षासंगै आएको चट्याङले सप्तरीको खडक नगरपालिका वडा न. १० बेलहा बस्ने ४७ वर्षीय उमाकान्त साहको मृत्यु भएको जिल्ला प्रहरी कार्यालय सप्तरीले जनाएको छ ।
आफ्नो खेतमा काम गरिरहेको अवस्थामा चट्याङ लागि घाईते भएका उनलाई तत्काल उपचारको लागी गजेन्द्र नारायण सिंह अस्पताल राजबिराजमा लगेकोमा ९ बजेको समयमा चिकित्सकले मृत घोषणा गरेको जिल्ला प्रहरी कार्यालय सप्तरीका प्रवक्ता एव डिएसपि नरेशकुमार सिंहले जानकारी दिनुभयो ।
यता साे सम्बन्धमा थप अनुसन्धान भइरहेको जिल्ला कार्यालय सप्तरीले जनाएको छ ।
प्रकाशित मिति: २०२३-०७-०३ , समय : १४:२२:५० , २ वर्ष अगाडि
