मोटरसाईकल दुर्घटनामा सप्तरीका दुई जनाको मृत्यु

गामघर डेस्क

विराटनगर । मोरङको बुढिगंगा गाउँपालिका वडा न.-४ कोशी लोकमार्ग स्थितमा मोटरसाईकल दुर्घटना हुँदा दुई जनाको मृत्यु भएको छ ।

मृत्यु हुनेमा मोटरसाईकल चालक सप्तरीकाे सप्तकोशी नगरपालिका वडा न.- १ का १९ बर्षीय निसान चौधरी र पछाडी सवार सुनसरी रामधुनी नगरपालिका वडा न.- ९ का १६ बर्षीय समिर चौधरी रहेका छन् ।

हिजो बिहान ९ बजे दक्षिणबाट उत्तर तर्फ जाँदै गरेको बा ६३ प ७२७ नम्बरको मोटरसाईकल आफै अनियन्त्रित भई बिजुलीको पोलमा ठोक्किन पुक्दा घाईते भएका दुबै जनाको उपचारको क्रममा बिराट टिचिङ अस्पताल गंगाचौकमा मृत्यु भएको ईलाका प्रहरी कार्यालय निमुवाले जनाएको छ ।

यता साे घटना सम्बन्धमा थप अनुसन्धान भईरहेको प्रहरीले जनाएको छ ।

प्रकाशित मिति: २०२३-०२-२८ , समय : १३:०२:४७ , २ वर्ष अगाडि