मधेश प्रदेशबाट पेस्तोल र गोलीसहित दुई जना पक्राउ

गामघर डेस्क

जनकपुर ।
सवारी जाँचको क्रममा मधेस प्रदेशको रौतहटको मौलापुर नगरपालिकामा सुरक्षाकर्मीले एकथान कटुवा पेस्तोल, गोलीसहित दुई जनालाई पक्राउ गरेको छ ।

घटना शुक्रबार साँझको भए पनि जिल्ला प्रहरीले आइतबारमात्र सार्वजनिक गरेको छ ।

ईलाका प्रहरी कार्यालय मौलापुरबाट खटेको प्रहरीले मौलापुर–५ स्थित आईटी चोकमा विभिन्न सवारी र पैदल यात्रुहरु जाँच गर्ने क्रममा वीरगन्जबाट आउँदै गरेको यूपि ५७ एफ ३२३८ नम्बरको मोटरसाइकल जाँच गर्दा सिट मुनि लुकाइराखेको अवस्थामा कटुवा पेस्तोल १ थान र गोली १ थान फेला परेको जिल्ला प्रहरी प्रमुख एसपी वीरबहादुर बुढामगरले जानकारी दिए ।

हतियारसहित सर्लाहीको मंलगवा नगरपालिका–७ बस्ने मोटरसाइकल चालक उमेश राय र पछाडि सवार मोहन रायसमेतलाई प्रहरीले नियन्त्रणमा लिएको छ ।

यस सम्बन्धमा थप अनुसन्धान भइरहेको जिल्ला प्रहरी कार्यालय रौतहटले जनाएको छ ।

प्रकाशित मिति: २०२३-०६-१९ , समय : १३:५९:४९ , २ वर्ष अगाडि