मैथिली साहित्य परिषद्को अध्यक्ष पदमा अवधेश झा निर्वाचित

गामघर डेस्क

राजविराज । मैथिली साहित्य परिषद्को अध्यक्ष पदमा अवधेश झा निर्वाचित हुनुभएको छ । शनिबार सम्पन्न निर्वाचनमा परिषद्को उपाध्यक्षमा राजकुमारलाल दास, सचिवमा सञ्जीवनारायण यादव ,सहसचिवमा ललिता झा र कोषाध्यक्षमा सोभिता दास चयन हुनुभएको निर्वाचन समितिले जनाएको छ ।

यसैगरी सदस्यमा क्रमश राजीवकुमार झा, पङ्कज झा, रमिला साह, गजेन्द्रकुमार मण्डल, रविकुमार राय र अजितकुमार ठाकुर विजयी भएको निर्वाचन समितिका संयोजक श्यामसुन्दर झाले जानकारी दिनुभयो । निर्वाचनमा आठ सय १८ मतदातामध्ये चार सय ७८ जनाले मतदान गरेका थिए।

प्रकाशित मिति: २०२३-०६-१८ , समय : ११:०७:५० , २ वर्ष अगाडि