सप्तरीका दर्जन भन्दा बढी नेता कार्यकर्ता जसपा नेपालमा प्रवेश

गामघर डेस्क

राजविराज । सप्तरीको तिलाठी कोइलाडी गाउँपालिकामा सोमबार आयोजित एक कार्यक्रमबीच विभिन्न पार्टी परित्याग गरी एक दर्जनबढी नेता कार्यकर्ता जनता समाजवादी पार्टी (जसपा) नेपालमा प्रवेश गरेका छन् ।
पार्टीका जिल्ला अध्यक्ष केदारप्रसाद यादवको अध्यक्षता तथा मधेश प्रदेश समितिका मुख्यसचिव दिनेश यादवको प्रमुख आतिथ्यमा कार्यक्रमको आयोजना गरिएको थियो । सो कार्यक्रममा तिलाठी कोइलाडी गाउँपालिका वडा न.४ मुखिया टोलका सत्यनारायण मुखियासहित एक दर्जन व्यक्ति जसपामा प्रवेश गरेका हुन् ।
उक्त पार्टी प्रवेश कार्यक्रममा पार्टीका नेता एवम् निवर्तमान जिल्ला समन्वय समिति सप्तरीका प्रमुख प्रभाकर यादव, युवा नेताहरु गुड्डु सिंह, शम्भु यादव लगायतको उपस्थिती थियो ।

प्रकाशित मिति: २०२३-०६-०५ , समय : १८:५५:१६ , २ वर्ष अगाडि