मधेस प्रदेशमा गर्मी बढेपछि राजविराज नगरपालिकाका सम्पूर्ण विघालयहरु ५ दिनका लागि बन्द

शुभ नारायण यादब

राजविराज ।
तराई मधेशका जिल्लाहरुमा गर्मी अत्यधिक बढेपछि मधेस प्रदेशका जिल्लाहरुमा विद्यालयहरु बन्द हुन थालेको छ ।

गर्मी बढेपछि सप्तरीको राजविराज नगरपालिकाकाले जेष्ठ १९ गतेदेखि २३ गतेसम्मकाे लागि ५ दिन सामुदायिक तथा सस्थागत विद्यालयहरु बन्द गर्ने निर्णय गरेको छ ।

भोलीदेखि जेठ २३ गतेसम्म वालविकास देखि कक्षा १२ सम्मका सबै सामुदायिक, धार्मिक तथा संस्थागत विद्यालयहरु बन्द रहने राजविराज नगरपालिकाकि कार्यबाहक नगर प्रमुख इसरत परविनले जारी गरेको विज्ञप्तिमा उल्लेख गरिएको छ ।
जारी विज्ञप्तिमा वर्षे विदाबाट कट्टा हुनेगरी विद्यालयहरु बन्द रहने जनाएको छ । विगत केही दिनदेखि तराई मधेशका जिल्लाहरुमा २८ देखि ४२ डिग्री सेल्सियस तापक्रम मापन गरिएको छ

प्रकाशित मिति: २०२३-०६-०१ , समय : १६:५०:०४ , २ वर्ष अगाडि