मधेस प्रदेश : सोइजन काटेको विषयमा कुटपिट हुदा एकजनाको मृत्यु

गामघर डेस्क

जनकपुरधाम ।
मधेस प्रदेशकाे महोत्तरीमा सोइजन काटेको विषयमा विवाद हुँदा एकजनाको मत्यु भएको छ । मृत्यु हुनेमा महोत्तरीको गौशाला नगरपालिका १० वटौवाका ५५ वर्षीय छविलाल मण्डल छन् ।

महोत्तरीका प्रहरी प्रवक्ता डिएसपी दिलीप कुमार गिरीका अनुसार गत मंगलबार दिउँसो खेतमा सैजन (मुनुङ्गा) काटेको विषयमा छविलाल, स्थानीय २५ वर्षीय विशाल महतो र २५ वर्षीय दुर्गा मण्डलबीच विवाद भएको थियो । कुटपिट हुँदा निधार र छातीमा गम्भीर चोट लागेर छविलाल गम्भीर घाइते भएका थिए ।

उनको उपचारको क्रममा बुधबार साढे ३ बजे प्रादेशिक अस्पताल जनकपुरमा मृत्यु भएको डिएसपी गिरीले जानकारी दिए । कुटपिट गर्ने दुवैजनालाई पक्राउ गरी थप अनुसन्धान गरिरहेको जिल्ला प्रहरी कार्यालय महोत्तरीले जनाएको छ ।

प्रकाशित मिति: २०२३-०६-०१ , समय : ०८:४९:१३ , २ वर्ष अगाडि