मधेस प्रदेशमा काकाको हत्या गरि फरार रहेका युवक पक्राउ

गामघर डेस्क

जनकपुर । महोत्तरीमा आफ्नै काकालाई चक्कु प्रहार गरी हत्या गरेर फरार रहेको आरोपमा प्रहरीले एकजनालाई पक्राउ गरेको छ ।

पक्राउ पर्नेमा महोत्तरीका महोत्तरी गाउँपालिका वडा न.–३ मडैका ३० वर्षीय विजेन्द्र महरा रहेका छन् ।

महोत्तरीका प्रहरी प्रवक्ता प्रहरी नायव उपरीक्षक सन्तोषकुमार पोखरेलका अनुसार गत आइतबार राति विजेन्द्रले ७० वर्षीय शिव महराको हत्या गरेका थिए । वृद्धभत्ता माग्दा नदिएपछि उनको चक्कु प्रहार गरेर हत्या गरेको अनुसन्धानका क्रममा खुलेको छ ।

यता घटनालगत्तै विजेन्द्र फरार भएका थिए । लुकिछिपी बस्दै आएका उनलाई पक्राउ गरिएको हो ।

प्रकाशित मिति: २०२३-०२-२६ , समय : १८:१८:१६ , २ वर्ष अगाडि