मधेस प्रदेशबाट १४ किलो गाँजासहित दुई युवक पक्राउ

गामघर डेस्क

राजविराज । मधेस प्रदेशका जिल्लाहरुमा पछिल्लोपटक गाजा तस्करी निकै फष्टाएकाे छ । साेहि क्रममा सिरहाबाट १४ किलो गाँजासहित दुई युवक पक्राउ परेका छन् ।
पक्राउ पर्नेमा सिरहाको गोलबजार नगरपालिका वडा न.१ मुक्सारका २६ वर्षीय महेन्द्र साह र वडा नं. २ का ३६ वर्षीय श्यामकुमार साह छन् ।

सिरहाको गोलबजार नगरपालिका वडा न. ४ शिवमन्दिर नजिकबाट १३ केजी ८४० ग्राम गाँजासहित उनीहरुलाई पक्राउ गरेको ईलाका प्रहरी कार्यालय गोलबजारका प्रहरी निरीक्षक डुपेन्द्र बुढाथोकीले जानकारी दिए ।

प्र.२–०१–००२ ह. ०२९८ नम्बरको अटोमा लुकाइछिपाई राखेको ५ किलो ८४० ग्राम गाँजासहित महेन्द्र साह र प्र. २–०१–००१ ह. १०५६ नम्बरको अटोमा लुकाइछिपाई राखेको ८ किलो गाजासहित श्याम कुमार साहलाई नियन्त्रणमा लिएको प्रहरी निरीक्षक बुढाथोकीले बताए। उनीहरुमाथि थप अनुसन्धान गरिरहेको प्रहरीले जनाएको छ ।

प्रकाशित मिति: २०२३-०५-०८ , समय : ०९:१४:४१ , २ वर्ष अगाडि