सिम्रिक एअर हेलिकप्टर दुर्घटना : पाइलट र यात्रुको हेलिकप्टरबाटै उद्धार

गामघर डेस्क

काठमाण्डाै । सङ्खुवासभाको भोटखोला गाउँपालिका वडा नम्बर ४ को हम्बरेडाँडामा सिम्रिक एअरको हेलिकप्टर दुर्घटना भएको छ ।

आज दिउँसाे भएकाे दुर्घटनामा पाइलट सुरेन्द्र पौडेल र स्थानीय भविन गुरुङ घाइते हुनुभएको छ । दुवै जनालाई सोलुखुम्बुबाट गएको सिम्रिक एअरकै हेलिकप्टरले उद्धार गरेर थप उपचारका लागि काठमाण्डौ लगेको भाेटखाेला–४ का वडाध्यक्ष विकास तामाङले जानकारी दिनुभयो ।

माथिल्लो अरुण जलविद्युत् आयोजनाको सामान बोकेर गएको हेलिकप्टर दुर्घटनमा परेको हो । हेलिकप्टरमा आगो लागेको छैन । वडाध्यक्ष तामाङले हेलिकप्टरमा रहेका अरू दुई जना हाम फालेर सुरक्षित रहेको बताए पनि यसको पुष्टि भएको छैन ।

प्रकाशित मिति: २०२३-०५-०५ , समय : १५:२४:४१ , २ वर्ष अगाडि