मधेश प्रदेश : खाना पकाउने क्रममा ग्यास लिक भएर आगलागी हुँदा एकै परिवारका तीनजना घाइते

गामघर डेस्क

जनकपुर ।
मधेस प्रदेशकाे सर्लाहीको मलंगवामा शुक्रबार बिहान ग्यास लिक भएर आगलागी हुँदा एकै परिवारका तीन जना घाइते भएका छन् ।

मलंगवा नगरपालिका–१० मा कोठा भाडामा लिएर बस्दै आएका ४० वर्षीय अहमद मन्सुरीको कोठामा खाना पकाउने आगलागी भएको हो ।
कोठामा आगो सल्कँदा ९ महिनाको छोरीसहित अहमद र उनकी श्रीमती काजुल मन्सुरी जलेर घाइते भएको प्रहरीले जनाएका छन् ।

आगलागीको घटनालगत्तै पुगेको प्रहरी टालीले मन्सुरी परिवारलाई उद्धार गरी मलंगवास्थित प्रादेशिक अस्पताल पुर्‍याइएको प्रहरी उपरीक्षक नरेशराज सुवेदीले जानकारी दिए ।

यता आगलागीमा उनीहरुको शरीरको १५ प्रतिशत भाग जलेको हो ।

प्रकाशित मिति: २०२३-०४-२८ , समय : १५:०९:३१ , २ वर्ष अगाडि