मिसन उपनिर्वाचन : बारा २ को मतगणना रोकियो…
मिति: २०२३-०४-२५ , समय : १२:२०:११ , गामघर डेस्क
फाइल फाेटाे
गामघर डेस्क
बारा । बारा क्षेत्र नम्बर २ को उपनिर्वाचनको मत गणना रोकिएको छ ।
मतगणनाका बसेका नेकपा एमाले र जनमत पार्टीका प्रतिनिधिहरुले मतपेटिका राखिएको कोठाको चाबी नै लिएर हिँडेपछि डेढ घण्टादेखि मतगणना रोकिएको हो ।
‘सुरुमा नेकपा एमालेका प्रतिनिधि मोहन लामिछानेले चाबी लिएर हिँडे, त्यसपछि म पनि किन बस्ने भनेर जनमत पार्टीका प्रतिनिधि सियाराम कुशवाह पनि चाबी लिएर हिँडेपछि मतगणना रोकिएको छ’ स्रोतले भन्यो ।
निर्वाचन कार्यालयले चाबी लिएर हिँडेका प्रतिनिधिहरुलाई तुरुन्त चाबी ल्याएर आउन आग्रह गर्दै माइकिङ नै गरेको थियो । तर उनीहरु नआएपछि मत गणना रोकिएको छ ।
बारा क्षेत्र नम्बर २ मा जसपाका अध्यक्ष उपेन्द्र यादव, जनमत पार्टीका शिवचन्द्र कुशवाहा, नेकपा एमालेका पुरुषोत्तम पौडेल, रास्वपाका रमेश खरेल र आम जनता पार्टीका अरुण ज्ञवाली लगायत प्रतिस्पर्धामा छन् । हालसम्मको गणनामा अध्यक्ष यादवले अग्रता लिएका छन् । अनलाइनखबरबाट
प्रकाशित मिति: २०२३-०४-२५ , समय : १२:२०:११ , २ वर्ष अगाडि
