मोटरसाइकल दुर्घटनामा घाइते भएका यादवको मृत्यु

गामघर डेस्क

सप्तरी । मोटरसाइकल दुर्घटनामा परेर घाइते भएका एकजनाको उपचारको क्रममा मृत्यु भएको छ ।

फागुन ४ गते सप्तरीको बलानबिहुल गाउँपालिका वडा न.२ चन्ही चोक स्थित हुलाकी सडक खण्डमा बेल्हीबाट कुशाहतर्फ जाँदै गरेको ना.४ प ९३०१ नम्बरको मोटरसाइकललाई बोदेबर्साईनबाट भगवानपुर तर्फ जाँदै गरेको प्र१–०२–४५ प ९२११ नम्बरको मोटरसाइकलले बाटो क्रस गर्ने क्रममा ठक्कर दिएको थियो ।

मोटरसाइकलको ठक्करबाट ना. ४ प ९३०१ नम्बरको मोटरसाइकलमा सवार बलानबिहुल ४ बस्ने ५५ वर्षीय राम बाबु यादव घाईते हुँदा उनलाई थप उपचारको लागी न्यूरो अस्पताल बिराटनगर लगिएको थियो ।

उपचारको क्रममा उनको मृत्यु भएको जिल्ला प्रहरी कार्यालय सप्तरीका डिएसपि एव प्रबक्ता नरेश कुमार सिहले जानकारी दिनुभयाे ।

प्रकाशित मिति: २०२३-०२-२५ , समय : १८:२२:४४ , २ वर्ष अगाडि