अघिल्लोपटकको भन्दा बढी मत पाउने अपेक्षा छ : रवि लामिछाने

गामघर डेस्क

काठमाडौं ।
राष्ट्रिय स्वतन्त्र पार्टीका अध्यक्ष तथा चितवन २ का उम्मेदवार रवि लामिछानेले आफूले अघिल्ला निर्वाचनको भन्दा बढी मत पाउने दाबी गरेका छन् । बालकुमारी मावि निर्वाचन केन्द्रमा सञ्चारकर्मीसँग प्रतिक्रिया दिँदै उनले मतदाताको उत्साहको आधारमा बढी मत पाउने अपेक्षा गरेको बताएका हुन् । ‘मतदातामा हाम्रो पक्षमा अघिल्लोपटकको भन्दा बढी उत्साह पाएको छु । परिणाममा पनि त्यही अपेक्षा गरेको छु,’ लामिछानेले भने ।

लामिछानेले निर्वाचनको मुखमा रास्वपामाथि भ्रम छर्ने प्रयास भएको बताए । लामिछाने चितवनका विभिन्न मतदान केन्द्रमा पुगेर मतदानको अवस्थाबारे जानकारी लिइरहेका छन् । नयाँ पत्रिका

प्रकाशित मिति: २०२३-०४-२३ , समय : १२:३६:३३ , २ वर्ष अगाडि