नेपाल टेलिकमले एकै पटक ७३ जनाका लागि नयाँ रोजगारी खुल्ला

गामघर डेस्क

काठमाडौं । नेपाल टेलिकमले एकै पटक ७३ जनाका लागि नयाँ रोजगारी खुलाएको छ । टेलिकमले शुक्रबार सूचना प्रकाशित गरी एकै पटक उक्त संख्यामा कर्मचारी माग गरेको हो । टेलिकमले खुलातर्फ उपप्रबन्धकदेखि जुनियर टेक्निसियनसम्म कर्मचारी मागेको छ ।

उपप्रबन्धक पदमा समावेशीतर्फ मधेशी समूहमा १ जना माग गरिएको छ । वरिष्ठ इन्जिनियरतर्फ खुलामा एक र दलित समूहमा १/१ जनाको माग भएको छ । वरिष्ठ खेला अधिकृतमा खुलातर्फ १ जनाको आवेदन माग भएको छ । टेलिकम इन्जिनियर (इलेक्ट्रोनिक्स एण्ड कम्युनिकेसन)तर्फ खुलामा ५, महिलामा २, मधेशी, दलित र अपाङ्गतामा एक/एक जनाको माग भएको छ ।

टेलिकम इन्जिनियर (कम्प्यूटर) पदमा खुलातर्फ २, मधेशी, दलित र पिछडिएको क्षेत्रका लागि १/१ जनाका लागि आवेदन माग गरिएको छ । टेलिकम इन्जिनियर (इलेक्ट्रोनिकल)तर्फ महिला १, दलित १ र अपाङ्गता १ जनाका लागि आवेदन मागिएको छ । इन्जिनियर सिभिलमा अपाङ्गता समूहमा १ जनाको माग भएको छ । सहायक लेखा अधिकृतमा खुला ३, मधेशी १ जनाको माग भएको छ । सहायक प्रशासकीय अधिकृतमा खुला २, आदिवासी जनजाति १ जनाको माग भएको छ ।

सहायक व्यापार अधिकृतमध्ये खुलामा २, महिलामा १ र मधेशी समूहमा १ जनाको माग भएको छ । टेक्निसियनमा खुला ६, महिला २, आदिवासी जनजाती १, मधेशी १ र दलित एक जनाको माग भएको छ । सहायक पदमा खुलामा ७, महिलामा २, आदिवासी जनजाति १, मधेशी १ र दलितमा एक जनाका लागि आवेदन खुलेको छ । जुनियर टेक्निसियनमा भने खुलामा ९, महिलामा २, आदिवासी २, मधेशी ३ र दलितमा १ जनाको आवेदन माग भएको टेलिकमले जनाएको छ । हिमपात डटकमबाट

प्रकाशित मिति: २०२३-०२-२४ , समय : १५:०६:०५ , २ वर्ष अगाडि