सप्तरीमा माेटरसाइकललाई कारले ठक्कर दिँदा छोरीको मृत्युु , बुबा घाइते
मिति: २०२३-०४-१० , समय : १०:४०:४३ , गामघर डेस्क
फाइल फाेटाे
गामघर डेस्क
राजविराज । सप्तरीको खडक नगरपालिका वडा न.–७ कल्याणपुर बजारमा गएराति मोटरसाइकल दुर्घटना हुँदा छोरीको मृत्युु भएको छ भने बुबा घाइते भएका छन् ।
पूर्व–पश्चिम राजमार्ग अन्तर्गत कल्याणपुर बजारमा बा ३ च ५२९३ नम्बरको कारले को १५ प १९१ नम्बरको मोटरसाइकललाई ठक्कर दिएको हाे।
दुर्घटनामा मोटरसाइकलमा रहेकी उदयपुरको त्रियुगा नगरपालिका–९ बगाहा टोलकी १० वर्षीया एञ्जिला बस्नेतको मृत्युु भएको छ। मोटरसाइकल चालक मृतकका बुबा ३६ वर्षीय ध्रुव बस्नेत घाइते हुनुभएकाे छ ।
घाइते एञ्जिलाको छिन्नमस्ता अस्पताल, राजविराजमा उपचारका क्रममा गए राति नै ज्यान गएकाे प्रहरी नायब उपरीक्षक नरेशकुमार सिंहले जानकारी दिनुभयो । घाइते ध्रुवको उपचार भइरहेको छ।
यता इलाका प्रहरी कार्यालय कल्याणपुरले कार चालकलाई नियन्त्रणमा लिएको छ।
प्रकाशित मिति: २०२३-०४-१० , समय : १०:४०:४३ , २ वर्ष अगाडि
