मधेश प्रदेश : नक्कली नोटसहित एकजना पक्राउ
मिति: २०२३-०४-०७ , समय : १८:३६:०३ , गामघर डेस्क
फाइल फाेटाे
गामघर डेस्क
जनकपुर ।
मधेस प्रदेशकाे सर्लाहीमा नक्कली नोटसहित एकजना पक्राउ परेका छन् ।
प्रहरीले १ हजार नोटको २ लाख ६८ हजार नक्कली नोटसहित बरहथवा नगरपालिका–१७ कटानीबाट एक व्यक्तिलाई नियन्त्रणमा लिएको हो । उनको साथबाट नक्कली नोटसहित नोट बनाउने कागजातसमेत बरामद भएको प्रहरीले जनाएको छ ।
अन्य केही व्यक्ति फरार भएकाले पक्राउ परेकाको बारेमा खुलाउन नसकिएको प्रहरीले जनाएको छ ।
इलाका प्रहरी कार्यालय बरहथवाका प्रमुख प्रहरी नायव उपरीक्षक मकेन्द्र मिश्रको नेतृत्वमा खटिएको प्रहरी टोलीले २४ बण्डल नोट आकारका कागजसहित बीआर ३० एम ३८२५ र बीआर ३० ए ५९६८ नम्बरको भारतीय प्लेटको मोटरसाइकलसमेत बरामद गरेको छ ।
प्रकाशित मिति: २०२३-०४-०७ , समय : १८:३६:०३ , २ वर्ष अगाडि
