सप्तरीमा मस्जिदको विषयलाई लिएर कुटाकुट, दुईजना गम्भीर घाइते
मिति: २०२३-०४-०६ , समय : १४:५४:२५ , गामघर डेस्क
फाइल फाेटाे
गामघर डेस्क
राजविराज ।
सप्तरीमा मस्जिदको विषयलाई लिएर झै-झगडा हुँदा दुईजना गम्भीर घाइते भएका छन् ।
सप्तरीको शम्भुनाथ नगरपालिका वडा न.१२ सोनमा बस्ने ५३ वर्षीय शोभराति मिया र ७० वर्षीय ईस्लाम मियाबीच मस्जिदको बिषयलाई लिएर झै-झगडा हुँदा दुईजना घाइते भएको जिल्ला प्रहरी कार्यालय सप्तरीले जनाएको छ ।
साे झै-झगडामा ईस्लाम मियाको शरिरको बिभिन्न भागमा चोट लागेको र स्थानीय मो. फरसुदको छोरा ११ वर्षीय मो. अजादको निधारमा चोट लागेको जिल्ला प्रहरी कार्यालय सप्तरीका डिएसपि एव प्रवक्ता नरेशकुमार सिंहले जानकारी दिनुभयो ।
यस सम्बन्धमा थप अनुसन्धान भइरहेको जिल्ला प्रहरी कार्यालय सप्तरीले जनाएको छ ।
प्रकाशित मिति: २०२३-०४-०६ , समय : १४:५४:२५ , २ वर्ष अगाडि
