धनुषाकाे बटेश्वरमा लाखौंको डकैती

गामघर डेस्क

जनकपुरधाम । धनुषाको बटेश्वर गाउँपालिकामा गएराति दुईवटा घरमा डकैती भएको छ । धनुषाको बटेश्वर गाउँपालिका वडा नं. ३ की बबिता कुमारी महतो र वडा नं. ४ की सुनितामाया देवीको घरमा लुटपाट भएको हो ।

मध्यराति बबिता देवीको घरमा ४/५ जनाको समूहमा आएका डाकाले ५० हजार नगद, सुनचाँदीका गहनासहित एकलाख बढीको लुटपाट गरेको प्रहरीचोकी बटेश्वरले जनाएको छ । घरधनीले भने दुईलाख बराबरको धनमाल लुटेर लगेको बताएको छ ।
प्रहरीका अनुसार सुनिता मायाको घरमा तोडफोड गरेका छन् । तर त्यहाँ घरमा खासै केही नभेटिएपछि डाका रित्तै फर्केका थिए । घटनाको जानकारी हुने बितिकै घटनास्थलमा पुगेर वरपर खोजतलास गर्दा डाका फेला नपरेको र उनीहरुको खोजी कार्य जारीरहेको प्रहरीले जनाएको छ ।

प्रकाशित मिति: २०२३-०२-२४ , समय : ०८:३८:२७ , २ वर्ष अगाडि