मधेस प्रदेशमा करेन्ट लागेर एकजनाको मृत्यु

गामघर डेस्क

जनकपुर ।
मधेस प्रदेशकाे सर्लाहीमा जङ्गली जनावरका लागि थापिएको करेन्टमा परी एक जनाको मृत्यु भएको छ ।

भारतीय सीमावर्ती क्षेत्रस्थित बलरा नगरपालिका–५, कोइरी टोलका ५० वर्षीय रामअक्षय महतो कोइरीको करेन्ट लागेर मृत्यु भएको प्रहरीले जनाएका छन् ।

रामअक्षयलाई राति पिसाब फेर्न जाँदा छिमेकीको मकै बारी घेरेर थापिएको विद्युतीय करेन्टमा परेर घटनास्थलमै मृत्यु भएको जिल्ला प्रहरी कार्यालय मलङ्गवाले जनाएको छ ।

घटनाको सम्वन्धमा थप अनुसन्धान भइरहेको सर्लाहीका प्रहरी उपरीक्षक नरेशराज सुवेदीले जानकारी दिनुभयो ।

प्रकाशित मिति: २०२३-०३-२३ , समय : १४:४८:२६ , २ वर्ष अगाडि