नियन्त्रणमा लिएकाे तरकारी कुहिएकाे भन्दै किसानद्वारा कलैया उपमहानगर कार्यालय घेराउ
मिति: २०२३-०३-२१ , समय : १३:१३:२९ , गामघर डेस्क
तस्बिर : सामाजिक सन्जालबाट
गामघर डेस्क
जनकपुर । मधेस प्रदेशकाे बाराका किसानहरुले आज कलैया उपमहानगरपालिकाको कार्यालय घेराउ गरेका छन्। करिब एक सयको सङ्ख्यामा रहेका किसानहरुले आज बिहान ११ बजेदेखि उपमहानगरपालिकाको कार्यालय घेराउ गरेका हुन् ।
कलैया बजारमा किसानलाई सेड उपलब्ध गराउन र उपमहानगरपालिकाले जफत गरेको तरकारीको क्षतिपूर्तिको माग गर्दै किसानहरुले उपमहानगरपालिका कार्यालय घेराउ गरेका हुन्।
सेड नपाएर आफूहरुले कलैया बजारमा बेच्न राखेको हरियो सागसब्जी र तरकारी नगर प्रहरीले नियन्त्रणमा लिएर उपमहानगरमा राख्दा कुहिएकाले उचित क्षतिपूर्ति दिनु पर्ने कलैया उपमहानगरपालिका–८ का किसान रोहित चौरसियाले बताउनु भयाे ।
नगर प्रहरीले गएको चैत्र ३ गते करिब ५० जनाभन्दा बढी किसानको तरकारी नियन्त्रणमा लिएको थियो । कलैयाको खप्परताता, विश्वम्भरपुर, शीतलपुर, बरेवा लगायत गाउँका किसानहरूले उपमहानगरपालिकाको कार्यालय घेराउ गरेका हुन्।
प्रकाशित मिति: २०२३-०३-२१ , समय : १३:१३:२९ , २ वर्ष अगाडि
