सप्तरीमा विंगरलाई ओभरटेक गर्न खोज्दा मोटरसाइकल दुर्घटना, तीनजना घाइते

गामघर डेस्क

छिन्नमस्ता ।
सप्तरीमा विंगरलाई ओभरटेक गर्न खोज्दा मोटरसाइकल दुर्घटना हुँदा तीनजना घाइते भएका छन् ।

सप्तरीको बिष्णुपुर गाउँपालिका ७ स्थित राजबिराज-सखडा सडक खण्डमा सोमबार बिहान ११ बजेको समयमा उत्तरबाट दक्षिण तर्फ जादै गरेको प्र.२-०१-००१ ज ००३६ नम्बरको विंगरलाई सोही दिशा तर्फ जादै गरेको को २२ प ५०२१ नम्बरको मोटरसाइकल ओभरटेक गर्न खोज्दा दुर्घटना भएको जिल्ला प्रहरी कार्यालय सप्तरीले जनाएको छ ।

साे दुर्घटनामा परेर मोटरसाइकल चालक सप्तरीको छिन्नमस्ता गाउपालिका वडा न. ७ हाटि बस्ने ३५ वर्षीय राजकुमार रजक उनको बहिनी २३ वर्षीया रन्जना कुमारी रजक र राजकुमारका छोरा ६ वर्षीय प्रतिक कुमार रजक घाइते भएको प्रवक्ता नरेशकुमार सिंहले जानकारी दिनुभयो ।

यता विंगर र विंगर चालक प्रहरी नियन्त्रणमा रहेको तथा यस सम्बन्धमा थप अनुसन्धान भइरहेको जिल्ला प्रहरी कार्यालय सप्तरीले जनाएको छ ।

प्रकाशित मिति: २०२३-०३-२० , समय : १६:१७:४७ , २ वर्ष अगाडि