सप्तरीमा माेटरसाइकलको ठक्करबाट साइकल यात्री मियाँको मृत्यु
मिति: २०२३-०३-२० , समय : १३:०२:२५ , गामघर डेस्क
तस्बिर : सामाजिक सन्जालबाट
गामघर डेस्क
राजविराज ।
सप्तरीमा मोटरसाइकलको ठक्करबाट एकजनाको मृत्यु भएको छ ।
आइतबार साँझ सप्तरीको खडक नगरपालिका वडा न. ८ भदिया स्थित बिसनपुर बोदेबर्साईन सडक खण्डमा स १० प ३५२४ नम्बरको मोटरसाइकलले साईकललाई पछाडीबाट ठक्कर दिदा साईकल यात्री वडा नं. ८ खेस्राहा बस्ने ५५ वर्षीय मो. ईब्राहिम मियाँको मृत्यु भएको जिल्ला प्रहरी कार्यालय सप्तरीले जनाएको छ ।
मोटरसाइकलले पछाडिबाट ठक्कर दिँदा घाइते भएका मियाँको उपचारका लागि बिराटनगर तर्फ पठाइएकोमा राति करिब पौने १० बजे बाटोमै मृत्यु भएको जिल्ला प्रहरी कार्यालय सप्तरीका डिएसपि एव प्रवक्ता नरेशकुमार सिंहले जानकारी दिनुभयो ।
यस्तै मोटरसाइकल चालक सोही खडक नगरपालिका वडा न.७ कल्याणपुर बस्ने १९ वर्षीय अफ्रोज मियाँ र पछाडि सवार २० वर्षीय मो. सनाबुलको उपचार भइरहेको जिल्ला प्रहरी कार्यालय सप्तरीले जनाएको छ ।
यता साे सम्बन्धमा थप अनुसन्धान भइरहेको जिल्ला प्रहरी कार्यालय सप्तरीले जनाएको छ ।
प्रकाशित मिति: २०२३-०३-२० , समय : १३:०२:२५ , २ वर्ष अगाडि
