मधेस प्रदेश : महिलाको शव गाडेको अवस्थामा फेला

मिति: २०२५-०४-०४ , समय : ०७:४४:४३ , गामघर डेस्क

तस्बिर : सामाजिक सन्जालबाट

गामघर डेस्क

जनकपुरधाम । मधेस प्रदेशको रौतहटमा ५० वर्षीय महिलाको शव फेला परेको छ । वृन्दावन नगरपालिकाको वडा नम्बर–१ स्थित जंगलमा महिलाको शव फेला परेको रौतहट प्रहरीले पुष्टि गरेको छ । नगरपालिकाको विश्रामपुरस्थितको जंगलमा गाडेको अवस्थामा महिलाको शव फेला परेको गरुडा प्रहरी प्रमुख राजन कार्कीले बताए । फेला परेको शव वृन्दावन नगरपालिकाको वडा नम्बर–१ की फूलमतिया देवीको रहेको प्रहरीले जनाएको छ । प्रहरीका अनुसार उनी गएको १४ गते आफ्‌नो घरबाट बेपत्ता भएकी थिइन् । बेपत्ताको आठौँ दिनपछि आज उनको शव फेला परेको हो‍ । प्रहरीमा उजुरी आएपछि तालिमप्राप्त कुकुरको सहयोगमा खोजी गर्दा फूलमतियाको शव जंगलमा गाडेको अवस्थामा फेला परेको गरुडा प्रहरीका डीएसपी कार्कीले बताए । फेला परेको शव हत्या गरिएको हुन सक्ने विश्लेषण गर्दै प्रहरीले अनुसन्धान सुरु गरिसकेको उनले बताए । हत्यामा संलग्न रहेको आरोपमा अहिलेसम्म दुई जनालाई पक्राउसमेत गरिसकेको उनले जानकारी दिए । ‘बरामद महिलाको शव सनाखत भइसकेकोले कसले र किन हत्या गरेको हो ? त्यसबारे विस्तृत अनुसन्धान भइरहेको छ,’ रौतहट प्रहरी प्रवक्ता दीपककुमार रायले जानकारी दिए ।

प्रकाशित मिति: २०२५-०४-०४ , समय : ०७:४४:४३ , 17 hours अगाडि

यहाँ कमेन्ट गर्नुहोस्
सम्बन्धित