सप्तरीको महादेवा गाउपालिकामा प्राविधिक र रोजगार सहायक पदको नियुक्तिमा धान्धलि भएको खुलासा : स्थानीयद्वारा अख्तियारमा उजुरी

शुभ नारायण यादब

राजविराज ।
सप्तरीको महादेवा गाउँपालिकामा प्राविधिक सहायक र रोजगार सहायक पदका उम्मेदवार छनौट प्रकृया मापदण्ड विपरीत भएको भन्दै अख्तियार दुरुपयोग अनुसन्धान आयोग ईटहरीमा उजुरी दिएका छन । महादेवामा प्राविधिक सहायक र रोजगार सहायक पदमा छनौट प्रकृया मापदण्ड विपरीत भएकोले अख्तियार दुरुपयोग अनुसन्धान आयोग कार्यालय ईटहरीमा पिडितले उजुरी दर्ता गराएको हो । प्राविधिक सहायक पदका उम्मेदवार मनोज यादवले आर्थिक चलखेल गरेर मापदण्ड विपरीत नियुक्ती गरेकोले सोको कानुनी कार्यवाहीको लागी अदुअ आयोगको कार्यालयमा हाले उजुरी ०५४९१४ नम्बर दर्ता गरेको सञ्चारकर्मीलाई जानकारी दिनु भयो । सो उजुरीमा स्थानिय तहमा प्राविधिक सहायक र रोजगार सहायक पदपुर्ती सम्बन्धी मापदण्ड २०७८ को परिच्छेद २ बमोजिमको पदपुर्ती समिति २०८१ माघ ५ गते कर्मचारी आवश्यकता सम्बन्धी सुचना प्रकाशन गरेतापनि गापा अध्यक्ष सुनिलकुमार मण्डलले आफनो आसेपासेलाई नियुक्ति गर्ने गलत मनशायले मापदण्ड विपरीत प्रमुख प्रशासकिय अधिकृत पदपुर्ती समितिबाट बाहिर बसी आफनो दायित्वबाट पन्छिने कार्य गरी स्वास्थ्य शाखा प्रमुख बृहस्पति रामको उपसंयोजकत्वमा जिन्सी शाखा प्रमुख योगेन्द्र सेठ सदस्य रहेको छनौट समिति गठन गरेको थियो ।
स्थानिय तहमा प्राविधिक सहायक र रोजगार सहायक पदपुर्ती सम्बन्धी मापदण्ड २०७८ को दफा ५ बमोजिम दरखास्त आहवान गर्दा १५ दिने म्याद राखी राष्ट्रिय स्तरको दैनिक पत्रिकामा प्राविधिक सहायकका लागी अनुसुची १ र रोजगार सहायकका लागी अनुसुची २ बमोजिमको हुदा हुदै सुचना सम्बन्धित कार्यालयको सुचनापाटी,वेभसाइट,सम्बन्धित प्रदेसको सामाजिक विकास मन्त्रालयको सुचनापाटी,वेभसाइट,सम्बन्धित जिल्ला प्रशासन कार्यालयको सुचनापाटीमा टाँस गर्नु पर्नेमा सो नगरेको पिडित यादवको आरोप छन । त्यस्तै मापदण्ड २०७८ को दफा ६ बमोजिम सुचनाको म्याद समाप्त भएको १० दिन भित्र योग्य उम्मेदवारहरु मध्येबाट बढीमा १० जना नभएमा उपलब्ध उम्मेदवारको प्रारम्भिक योग्यताक्रम सुची प्रकाशन गर्नु पर्ने ब्यवस्था रहेकोमा सुचनाको म्याद समाप्त भएको मिति र प्रारम्भिक योग्यताक्रमको सुची प्रकाशन गरेको सुचनाको मिति समेत प्रारम्भिक योग्यताक्रमको सुचीमा बढीमा १० जनाको नाम प्रकाशन गर्नु पर्ने ब्यवस्थाको विपरीत कार्य गरेको पिडित यादवको आरोप छन । साथै मापदण्डको दफा ६ को उपदफा ८ बमोजिम सुचनाको प्रारम्भिक योग्यताक्रम सुचीसंगै कम्प्युटर छनौट परीक्षाको मिति,समय र स्थान समेत तोकी सुचना प्रकाशन गर्नु पर्नेमा सो नगरी मापदण्ड विपरीत प्रारम्भिक योग्यताक्रम सुची सम्बन्धित कार्यालयको २०८१फागुन २० गते मा सुचना प्रकाशन गरेतापनि कम्प्युटर छनौट परीक्षाको मिति,समय र स्थान उल्लेख नगरेको पिडित यादवको आरोप छन । कम्प्युटर छनौट सम्बन्धि कार्यालयको गत फागुन २७ गते मा प्रकाशित सुचनामा बेलुकी सुचना प्रकाशन गरी भोली पल्ट फागुन २८ गते विहानको ८ वजेदेखि कम्प्युटर छनौट परीक्षा लिने कार्य मापदण्ड विपरीत रहेको पिडित यादवको आरोप छन । मापदण्डको अनुसुची ५ बमोजिमको निर्धारित शिर्षकबाट सम्बन्धित विषय विज्ञद्दारा प्रश्नपत्र छनौट गर्नु पर्नेमा विषयविज्ञलाई आवश्यक कागजातमा दस्तखतमात्र गराउने गरी बृहस्पति राम स्वास्थ्य तर्फका कर्मचारी र योगेन्द्र सेठ स्वास्थ्य तर्फका कर्मचारीले एउटै शिर्षकबाट प्रश्नपत्र छनौट गरी प्रश्नपत्र समेत उल्लेखित उप समितिले अन्तिम नतिजा प्रकाशन गरेको सुचनामा उल्लेखित उम्मेदवार प्राविधिक सहायक तर्फका अनुराग झा र रोजगार सहायक तर्फका दिनानाथ मण्डलबाट जनही ५/५ लाख रकम गाउपालिका अध्यक्ष सुनिलकुमार मण्डलले लिएर लिखित परीक्षा अगाबै प्रश्नपत्र दिएको पिडितको आरोप छन ।
कम्प्युटर छनौट परीक्षामा समेत सम्बन्धित उम्मेदवारले सप्टकोपी /फोल्डर,पेनड्राइभ समेतमा छेडछाड गरी अनुतिर्ण भएका अनुराग झा र दिनानाथ मण्डललाई बास्तविक उर्तिण भएका उम्मेदवार भन्दा बढी प्राप्ताङक आउने गरी बृहस्पति राम र योगेन्द्र सेठले दुबैबाट ४/४ लाख रकम लिई प्रशासन शाखामा कार्यरत कमल खत्रीलाई प्रयोग गरी अनुचित कार्य गर्न लगाएको नेपाल सरकार लोक सेवा अयोगको समेत छनौट सम्बन्धि मापदण्ड ,नियम विपरीत कार्य गरेको पिडित यादवको आरोप छन ।
नेपाल सरकारको प्रचलित मापदण्ड ऐन,नियम,कानुन विपरीत भ्रष्टाचार गर्ने उदेश्यले अयोग्य उम्मेदवारलाई प्राविधिक सहायक तथा रोजगार सहायक पदमा नियुक्ति गर्नु कानुन विपरीत भ्रष्टाचार गरेका गाउपालिकाका अध्यक्ष सुनिलकुमार मण्डल,प्रमुख प्रशासकिय अधिकृत राजकिशोर साह,छनौट उपसमितिका उपसयोजक बृहस्पति राम,योगेन्द्र सेठ,कमल खत्रीलाई कानुनी कार्यवाही गर्नुको साथै नियुक्ति रोक्का गरी पुनं परीक्षा सञ्चालन गर्न पिडितले सञ्चारकर्मी समक्ष मागं गरेका छन ।
यता साे सम्बन्धमा गाउपालिकाका अध्यक्ष सुनिलकुमार मण्डलले आफ्नो काेहि पनि मान्छेलाई नियुक्ति नगरेको दाबि गर्दै सबै प्रक्रिया पूरा गरेर नियुक्ति भएको बताउनुभयो । त्यस्तै साेहि सम्बन्धमा पालिकाका प्रमुख प्रशासकिय अधिकृत राजकिशोर साहले याे नियुक्ति प्रक्रियामा आफ्नो कुनै पनि सङ्लग्नता नरहेको दाबि गर्दै समिति बनाएर निष्पक्ष प्रक्रियाबाट नियुक्ति भएको बताउनुभयाे ।

प्रकाशित मिति: २०२५-०४-०२ , समय : ०८:३६:१७ , 1 day अगाडि