संचारकर्मीको हत्या गर्नैलाई कारबाहीको माग गर्दै सप्तरीमा प्रजिअमार्फत सरकारलाई ध्यानाकर्षण–पत्र

गामघर डेस्क

राजविराज ।
नेपाल पत्रकार महासंघ शाखा सप्तरीले सोमबार काठमाण्डौमा भएको संचारकर्मीको हत्या र तोडफोड गर्नैलाई कारबाहीको माग गर्दै जिल्ला प्रशासन कार्यालय सप्तरी मार्फत सरकारलाई ध्यानाकर्षण–पत्र बुझाइएको हो ।
राजावादीको आन्दोलनमा समाचार संकलन गर्न गएका पत्रकार सुरेश रजकलाई जीउँदै आगो लगाएर हत्या गर्ने हत्यारा तथा सञ्चार गृहमा आगजनी गर्नेलाई कारबाहीको माग गर्दै । महासंघ सप्तरीका अध्यक्ष श्रवण कुमार देवको नेतृत्वमा प्रमुख जिल्ला अधिकारी भोला दाहाल मार्फत प्रधानमन्त्री तथा मन्त्रीपरिषदको कार्यालयलाई ध्यानाकर्षणपत्र बुझाइएको थियो ।
ध्यानाकर्षण पत्र बुझ्दै प्रजिअ दाहालले तत्कालै सम्बन्धित निकायमा पठाउने प्रतिबद्धता व्यक्त गरेका थिए । ध्यानाकर्षण –पत्रमा पत्रकार रजकको हत्यारा तथा संचार गृह र पत्रकारहरुमाथी भएको दुव्र्यवहारप्रति आपत्ति जनाएको छ । यसैगरी पत्रकार रजकको परिवारलाई न्याय तथा संचार गृहमा भएको क्षतिपूर्ति तथा घाइते पत्रकारहरुको उपचारको प्रबन्धक मिलाउन सरकारको ध्यानाकर्षण गराइएको छ ।
यता ध्यानाकर्षण–पत्रमा एकसाता भित्र माग सम्बोधन गर्न आग्रह गर्दै सुनुवाइ नभए सरकार विरुद्ध देशव्यापी चरणबद्ध आन्दोलनमा उत्रिने चेतावनी दिइएको छ ।

प्रकाशित मिति: २०२५-०३-३१ , समय : २१:४९:१० , 3 days अगाडि