सप्तरीको हनुमाननगरमा इलेक्ट्रोनिक पसलमा भीषण आगलागी : १० लाखभन्दा बढीकाे क्षति

रबि शर्मा

राजविराज ।
सप्तरीको हनुमाननगर कंकालिनी नगरपालिका वडा न.९ स्थित इलाका प्रहरी कार्यालय जाने बाटोमा रहेको ‘शर्मा साउण्ड सर्भिस’ नामक इलेक्ट्रोनिक मर्मत पसलमा गएराति भीषण आगलागी भएको छ। इलाका प्रहरी कार्यालयबाट प्राप्त जानकारी अनुसार, विद्युत् सर्टका कारण आगलागी भएको हो, जसले पसलमा रहेका सम्पूर्ण सामग्री जलेर नष्ट भएका छन्। पसल सञ्चालक अमित शर्माका अनुसार, आगलागीका कारण करिब १० लाख रुपैयाँभन्दा बढीको क्षति भएको छ।

आगलागीको खबर पाएलगत्तै नगरपालिकाको दमकल सेवा सक्रिय गरिएको थियो भने स्थानीय बासिन्दाको सहयोगमा घण्टौँको प्रयासपछि आगो नियन्त्रणमा लिइएको छ। यता घटनाको थप अनुसन्धान भइरहेको प्रहरीले जनाएको छ।

प्रकाशित मिति: २०२५-०३-३० , समय : ०६:१३:४० , 6 days अगाडि