सप्तरीको बरहीका अपांग देवनारायण रायले क्यान्सर पीडित छोराको उपचार खर्चका लागी सबैलाई सहयोग गर्न अनुरोध

गामघर डेस्क

छिन्नमस्ता ।
सप्तरीको छिन्नमस्ता गाउँपालिका वडा न.१ बरहीका ६० वर्षिय बयाेबृद्ध एवम् अपांग देवनारायण रायले क्यान्सर पीडित छोराको उपचार खर्चका लागी छटपटाई रहेका छन ।
दश वर्ष अघि दुर्घटनामा एउटा खुट्टा गुमाएका बृद्ध वुवा देवनारायण आर्थिक अभावमा बुढेसकालका सहारा एक मात्र छोराको उपचारमा भए भरको सम्पती खर्चिए पनि अपुग रहेकोले अहिले उनी छटपटाई रहेका छन् ।
पायल्स रोगबाट विरामी परेका छोराको उपचारका लागी दुई धुर जग्गामा बनेको फुसको घर गाउँ कै साहु महाजनलाई बन्धकी राखेर ऋण उ्ठाई उपचारका लागी भारत बिहार राज्यको राजधानी पटना पु¥याउदा उनलाई क्यान्सर रोग भएको पत्तो लागेको थियो ।
केही दिन पटनास्थित एम्स अस्पतालमा उपचार गरेपछि डाक्टरले क्यान्सर रोग लागेको भन्दै क्यान्सर अस्पताल लैजान सल्लाह दिएका थिए । त्यसपछि छोरालाई घर ल्याएको उनले भएको एउटा दुहुनो गाई समेत १९ हजार रुपैयामा बेचेर चितवनस्थित भरतपुर क्यान्सर अस्पतालमा भर्ना गराएका छन ।
तीन दिन अघि मात्र प्रसान्तको अपरेशन गरिएको छ । त्यहाँ उपचार, औषधी, बेडशुल्क लगायत गरी अहिले सम्म १ लाख ५० हजार रुपैयाको विल अस्पताल प्रशासनले भुक्तानीका लागी अभिभावकलाई दिएका छन । किमो गर्ने काम पनि बाँकी नै रहेकोले थप डेढ÷दुइ लाख रुपैयासम्म लाग्ने डाक्टरहरुले बताएका छन । उनले रकमको अभावमा अहिले डाक्टरले पुर्जामा लेखिदिएको सबै औषधी पनि खुवाउन नसकेको बताए ।
उपचार महगो हुने र अप्रेशन भएकाले थप खर्च जुटाउन समस्याका साथै दैनिक ज्यालादारी गरी ६ जनाको परिवार पाल्दै आएका छोरा विरामी परेपछि हातमुख जोड्न समेत समस्या भएको उनको भनाई छ ।
क्यान्सर पीडित प्रशान्तको श्रीमतीसहित ११ वर्षिय विपिन र ५ वर्षिय सुसान्त गरी दुई छोरा छन । घर परिवार चलाउने एकमात्र अभिभावक प्रसान्त विरामी परेपछी उनीहरुको पनि विजोग भएको देवनारायणले सुनाए ।
सबैलाई सहयोगबाट छोरा बचाइदिन उनले अपिल समेत गरेका छन । उनले छोराको उपचारमा सहयोग गर्न चाहनेहरुलाई ९८१७३९२४३, ९७०३४२८६५९ र ९८५२८२०९२७ मा सम्र्पक गर्न अनुरोध समेत गरेका छन ।
हाल उनको उपचारमा सहयोग जुटाउन स्थानीय युवा नेता एवम् समाजसेवी तथा पालिका अध्यक्ष पदका प्रत्याशि उम्मेदवार जय प्रकाश यादव “जेपि” ले पहल थालेका छन । आफ्नो पहलमा केही रकम जुटेको छ तर त्यो प्रशान्तको उपचारका लागी पर्याप्त नरहेको उनी बताउछन् । राजविराज दैनिक

प्रकाशित मिति: २०२५-०३-२७ , समय : २१:४९:५० , 1 week अगाडि