सप्तरीमा मोटरसाइकल दुर्घटना हुदा एक जनाको मृत्यु , एकजना गम्भीर घाइते

गामघर डेस्क

राजविराज ।
पूर्वपश्चिम राजमार्ग अन्तर्गत सप्तरीको कञ्चनरुप नगरपालिका वडा न. १० बदगामा बुधबार राती भएको मोटरसाइकल दुर्घटनामा एकजनाको मृत्यु भएको छ भने अर्का एकजना गम्भीर घाइते भएका छन् । दुर्घटनामा गम्भीर घाइते कञ्चनरुप नगरपालिका वडा न.१२ रुपनगर बस्ने २७ बर्षिय बिक्रम बञ्जराको उपचारको क्रममा नोबेल अस्पताल विराटनगरमा मृत्यु भएको हो ।
साे दुर्घटनामा मोटरसाइकलको पछाडि सवार सप्तरीकाे रुपनी गाउँपालिका वडा न.४ बस्ने ३४ बर्षिय संतोष कुमार ईसर गम्भीर घाइते भएका छन् । उनको नोबेल अस्पताल विराटनगरमा उपचार भइरहेको छ । उनको अवस्था गम्भीर रहेको इलाका प्रहरी कार्यालय कंचनपुरले जनाएको छ ।
पुर्ब पश्चिम राजमार्ग स्थित भारदहबाट कंचनपुरतर्फ आउदै गरेको प्रदेश २-०२-०१६ प १२५ नम्बरको मोटरसाइकल आफै अनियन्त्रित भई रोडको साईडमा पल्टन गई दुर्घटना भएको प्रहरीले बताएका छन् ।

यता दुर्घटना गम्भीर घाईते दुबैजनालाई तत्काल नोबेल अस्पताल बिराटनगर पठाईएकोमा मोटरसाइकल चालक बन्जाराको मध्यान्ह राती २४ :२० बजेको समयमा मृत्यु भएको अस्पताल श्रोतलाई उदृत गर्दै प्रहरीले जनाएको छ ।
प्रहरीका अनुसार मृतक बन्जारा मोटरसाइकल चालक रहेको निजको बुवा मार्फत खुल्न आएको छ । दुर्घटना ग्रस्त मोटरसाइकल इलाका प्रहरी कार्यालय कंचनपुरमा रहेको तथा घटना बारे थप अनुसन्धान भइरहेको प्रहरीले जनाएको छ ।

प्रकाशित मिति: २०२५-०३-२७ , समय : ०८:१९:३८ , 1 week अगाडि