अचेत बनाई किशोरीमाथि बलात्कार : १० हप्ताको गर्भपछि आरोपित पक्राउ

गामघर डेस्क

जनकपुरधाम । मधेस प्रदेशमा पानीमा नसालु पदार्थ सेवन गराई अचेत बनाएर एक किशोरीलाई बलात्कार गरेको आरोपमा प्रहरीले पर्साका एक ब्यक्तिलाई पक्राउ गरेको छ। पीडित किशोरीकै उजुरीका आधारमा प्रहरीले वीरगञ्ज महानगरपालिका–३१ इस्लामपुर घर भई मुर्लीमा बस्दै आएका ५२ वर्षीय शेख महमद अनवरलाई पक्राउ गरेको हो।पर्साका प्रहरीका एसपी गौतम मिश्रका अनुसार आरोपीले किशोरीलाई विभिन्न नशालु पदार्थ मिसाइएको पानी खुवाएर मानसिक रुपमा कमजोर बनाई पटक–पटक बलात्कार गरेको आरोप छ। किशोरी गर्भवती छिन्।
यता मेडिकल परीक्षण गराउँदा १० हप्ताको गर्भ रहेको पुष्टि भएको प्रहरीले जनाएको छ। किशोरीले लामो समयदेखि नशालु पदार्थ खुवाई जबरजस्ती करणी गरेको प्रहरी समक्ष बयान दिएकी छन्।

प्रकाशित मिति: २०२५-०३-२७ , समय : ०८:०३:३५ , 1 week अगाडि