रोचक प्रसङ्ग : पतिले नै गराइदिए पत्नीको अर्को बिहे…

गामघर डेस्क

भारत । पति–पत्नीबिच तेस्रो व्यक्तिको प्रवेशले आपराधिक घटना भएका उदाहरण पछिल्लो समय भारतमा प्रशस्त पाइन्छन् । प्रेमी वा प्रेमिकासँग मिलेर पत्नी वा पतिको हत्या गरेका समाचार प्रकाशमा आइरहेका छन् ।

यस्तो अवस्थाका बिच भारतमै एक पुरुषले आफ्नी पत्नीको विवाह गराइदिएको समाचार प्रकाशमा आएको छ । भारतको उत्तर प्रदेश राज्यस्थित बबलूले आफ्नै पत्नी राधिकाको विवाह गराइदिएका हुन् ।

बबलू दम्पतीका दुई सन्तान छन् । कामको सिलसिलामा बबलू घर बाहिरै रहने गर्दथे । यस बिचमा राधिकाले अर्कै एक युवकसँग प्रेम गर्न थालिन् । बबलूका परिवारले यो कुरा थाहा पाए । बबलू घरमा आएको मौका छोपेर परिवारले यसबारे जानकारी गराए ।

बबलूले पत्नी राधिकाले जे चाहन्छिन्, त्यही हुन्छ भनेर परिवार र समाजका सामु राधिकाको इच्छा सोधे । राधिकाले आफू प्रेमीसँगै बस्ने इच्छा राखेपछि बबलूले उनको विवाह गरिदिएका हुन् । एजेन्सी

प्रकाशित मिति: २०२५-०३-२६ , समय : ११:२३:३० , 1 week अगाडि