मधेस प्रदेश : खोला किनारमा भेटियो बोराभित्र शव

गामघर डेस्क

सिरहा । मधेस प्रदेशको सिरहामा खोला किनारमा बोरामा एकजनाको शव भेटिएको छ । सिरहाको गोलबजार नगरपालिका वडा न.९ गोविन्दपुरस्थित घुर्मी खोला किनारमा बोराभित्र राखेर गाडिएको अवस्था शव फेला परेको मिर्चैयाका डीएसपी पञ्चकुमार बाखुले बताए । उनका अनुसार मंगलबार बिहान १० बजेतिर गोठालोहरूले दुर्गन्ध फैलिएको र त्यहाँ हाड हेरेपछि प्रहरीलाई खबर गरेका थिए । यता भेटिएको शव अत्यन्त कुहिसकेको अवस्थामा रहेको तथा घटनाको सम्बन्धमा थप अनुसन्धान भइरहेको सिरहा प्रहरीले जनाएको छ ।

प्रकाशित मिति: २०२५-०३-२५ , समय : १५:३८:१५ , 2 weeks अगाडि