महेन्द्र विन्देश्वरी क्याम्पस राजविराजको सभापतिमा पुनः जसपाका विद्यार्थी नेता रंजित यादव विजयी

गामघर डेस्क

राजविराज । सप्तरीको राजविराज स्थित महेन्द्र विन्देश्वरी बहुमुखी क्याम्पसको स्ववियू सभापतिमा पुन: रंजित यादव बाजी मारेका छन् ।

समाजवादी विद्यार्थी युनियन र अखिल क्रान्तिकारीको संयुक्त प्यानलबाट यादव दोस्रो पटक सभापतिमा उम्मेदवारी दिएका थिए । उनले ३९३ मत ल्याएर विजयी भएका हुन् ।

उनका निकटतम प्रतिस्पर्धी स्वतन्त्र उम्मेदवार विनय यादवले ३३२ मत ल्याए । अनेरास्ववियुकी मनिषा कुमारी साहले ३३१ मत पाइन् ।

सचिवमा मुकेश कुमार साह र कोषाध्यक्षमा कञ्चन कुमारी ठाकुर निर्वाचित भएकी छन् । उनी दुबै जना समाजवादी विद्यार्थी युनियन र अखिल क्रान्तिकारीको संयुक्त प्यानलकै छन।

प्रकाशित मिति: २०२५-०३-१९ , समय : ११:२३:४२ , 2 weeks अगाडि