काठमाडौंकाे बसन्तपुरमा बिदेशीहरुले पनि धुमधामका साथ होली मनाइयो ( फोटो फिचर )

शुभ नारायण यादब

काठमाडौं । यस वर्ष पनि काठमाडौंकाे बसन्तपुरमा होलीको हर्षोल्लास छाएको छ । विशेषगरी युवायुवतीले रौनक थपेका छन् । नेपाल घुम्न आएका पर्यटकहरू पनि होलीको खुसी साटासाट गर्न व्यस्त छन् ।

भिडभाड, नाचगान र रंगले वसन्तपुर रंगिएको छ । दिन ढल्दै जाँदा युवाहरूको जमघट उत्तिकै बढेको छ ।

एक अर्कामा रङ दलेर खुशीयाली साटासाट गरेर होली मनाउने गरिन्छ । वसन्त ऋतुको आगमनसँगै आपसी मेलमिलाप र सद्भावनाको सन्देश लिई आउने फागु पर्व आज परम्परागत रूपमा विभिन्न रङ र लोला खेली मनाउने प्राचिन परम्परा छ ।

आज पहाडी जिल्लामा र भोलि तराईका जिल्लामा होली खेलेर यो पर्व मनाउने परम्परा छ । असत्यमाथि सत्यको विजयको प्रतिक, पारिवारिक एवं सामाजिक एकताको पर्वका रूपमा पनि यो पर्व मनाउने प्रचलन छ ।

प्रकाशित मिति: २०२५-०३-१३ , समय : १७:२३:४२ , 3 weeks अगाडि