सप्तरीको राजविराजमा दुई युवकमाथि छुरा प्रहार, एकजनाकाे अवस्था गम्भीर
मिति: २०२५-०३-१२ , समय : २१:५८:१८ , गामघर डेस्क
मिति: २०२५-०३-१२ , समय : २१:५८:१८ , गामघर डेस्क
गामघर डेस्क
राजविराज । सप्तरीको सदरमुकाम राजविराजमा छुरा प्रहारबाट दुई जना युवक घाइते भएका छन्।
जिल्लाको डाक्नेश्वरी नगरपालिका वडा न.७ ब्रहम्पुरका सुनिल यादव र महदेवा गाउँपालिका वडा न.४ का सुभाष यादव बुधबार छुरा प्रहारबाट घाइते भएका हुन्।
सप्तरीको राजविराज नगरपालिका वडा न.७ स्थित सिरहा रोडमा बुधबार बेलुका उनीहरूमाथि छुरा प्रहार गरिएको हो।
घाइतेहरूको राजविराजस्थित छिन्नमस्ता अस्पतालमा उपचार भइरहेको छ।
एकै समुहमा रहेका उनीहरूबिच झडप हुँदा छुरा प्रहार भएको प्रहरीको भनाई छ। छुरा प्रहार गर्ने मध्ये विरेन्द्र यादवलाई पक्राउ गरि अनुसन्धान थालिएको जिल्ला प्रहरी कार्यालय सप्तरीका प्रहरी प्रमुख एसपी ढकेन्द्र खतिवडाले जानकारी दिनुभयो । यता झगडा के कारणले भएको खुल्न नसकेको तथा घटनाको थप अनुसन्धान भइरहेको सप्तरी प्रहरीले जनाएको छ ।
प्रकाशित मिति: २०२५-०३-१२ , समय : २१:५८:१८ , 3 weeks अगाडि